កម្ពុជានិងចិន បានប្រារព្ធពិធីគោរពវិញ្ញាណក្ខន្ធកងទ័ពវីរជនចិន២រូប ដែលបានពលីក្នុងបេសកកម្មរក្សាសន្តិភាពរបស់UNនៅកម្ពុជា

នាព្រឹកថ្ងៃទី០៣ខែមេសាឆ្នាំ២០២៦  ឯកឧត្តម នាយឧត្តមសេនីយ៍ យន្ត មីន រដ្ឋលេខាធិការក្រសួងការពារជាតិ និងឯកឧត្តម Wang Wenbin ឯកអគ្គរដ្ឋទូតវិសាមញ្ញនិងពេញសមត្ថភាពនៃសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា អញ្ជើញជាអធិបតីពិធីគោរពវិញ្ញាណក្ខន្ធយុទ្ធជនចិន២រូប វរជន លើ ចេន ជីគួ និង លោក យូ ស៊ីលី ដែលបានពលីក្នុងបេសកកម្មរក្សាសន្តិភាពរបស់UNនៅកម្ពុជាកាលពីថ្ងៃទី២១ ខែឧសភា​ ឆ្នាំ១៩៩៣។កម្ពុជាគឺជាប្រទេសដំបូងគេដែលកងទ័ពមួកខៀវចិនត្រូវបានបញ្ជូនជាក្រុមនៅក្រៅប្រទេស ដើម្បីអនុវត្តបេសកកម្មរក្សាសន្តិភាពរបស់អង្គការសហប្រជាជាតិ។ វីរជន លើ ចេន ជីគួ និង លោក យូ ស៊ីលី បានពលីជីវិតដ៏មានតម្លៃរបស់ពួកគេ ដើម្បីបុព្វហេតុសន្តិភាពរបស់កម្ពុជា។ ការរួមចំណែករបស់ពួកគេនឹងត្រូវបានចងចាំជារៀងរហូតនៅក្នុងប្រវត្តិសាស្ត្រ!សូមជម្រាបថា នៅរៀងរាល់ឆ្នាំ ប្រតិភូ នៃសាធារណរដ្ឋប្រជាមានិតចិន តែងដឹកនាំគណៈប្រតិភូ មកកាន់ទីកន្លែងខាងលើ ដើម្បីធ្វើពិរំលឹកគុណបំណាច់ និង ពលិកម្មដ៏ថ្លៃថ្លា របស់ បងប្អូនប្រជាជនចិន ជាមួយគ្រួសារ ឪពុក ម្តាយ អាណាព្យាបាល របស់យុទ្ធជន នៃកងទ័ព រំដោះប្រជាជនចិន ដែលបានពលីជីវិត ដ៏មានតម្លៃក្នុងទឹកដីនៃព្រះរាជាណាចក្រកម្ពុជានៅ ក្នុងបេសកកម្ម ជាកងកម្លាំងរក្សាសន្តិភាពក្រោមឆត្រ នៃអង្គការសហប្រជាជាតិ ដែលហៅកាត់ថា អ៊ុនតាក់ ។